មជ្ឈមណ្ឌលតម្កល់ឯកសារច្បាប់ពាក់ព័ន្ធនឹងអ.វ.ត.ក. បានសហការជាមួយកម្មវិធី​ផ្សព្វ​ផ្សាយ​ចល័តរបស់អ.វ.ត.ក. ​អំពីដំណើរការ សមិទ្ធផល កេរដំណែល និងការអនុវត្តមុខងារសេសសល់របស់អ.វ.ត.ក. ដោយមាន​ការ​ដាក់​តាំង​បង្ហាញ​ផ្ទាំងរូបភាព ការអនុញ្ញាតឱ្យសិស្សានុសិស្ស​ចូល​អាន និង​សិក្សា​ស្រាវ​ជ្រាវនៅក្នង​មជ្ឈមណ្ឌល​ធនធានអ.វ.ត.ក. ចល័ត​ និងការបង្កើតកម្មវិធីអន្តរជំនាន់រវាងដើមបណ្តឹងរដ្ឋប្បវេណី និងសិស្សានុសិស្សផងដែរ​។ កម្មវិធីនេះបានរៀបចំឡើងចាប់ពីថ្ងៃទី២៦ ដល់ថ្ងៃទី៣០ ខែសីហា ឆ្នាំ២០២៤ នៅវិទ្យាល័យចំនួន៥ រួមមាន៖ (១)វិទ្យាល័យ ហ៊ុន សែន​ កំពង់សីលា (២)វិទ្យាល័យ ហ៊ុន សែន ព្រៃនប់ (៣)វិទ្យាល័យ ហ៊ុន​ សែន មិត្តភាព (៤)វិទ្យាល័យចំណេះទូទៅ និងបច្ចេកទេសក្រុងព្រះសីហនុ និង(៥)វិទ្យាល័យ ហ៊ុន សែន ឃ្លាំងលើ ដោយមានលោកគ្រូ អ្នកគ្រូ និងសិស្សានុសិស្សចូលរួមប្រមាណ៥ ៤៣៨នាក់។