មន្ត្រីរបស់មជ្ឈមណ្ឌលតម្កល់ឯកសារច្បាប់ពាក់ព័ន្ធនឹងអ.វ.ត.ក. បានចូលរួមក្នុងវគ្គបណ្តុះបណ្តាលស្តីពីការគ្រប់គ្រងបណ្ណសារឆ្នាំ២០២៤ ដែលរៀបចំឡើងដោយបណ្ណសារដ្ឋានជាតិកូរ៉េ នៅសណ្ឋាគារសាន់វ៉េ រាជធានីភ្នំពេញ ចាប់ពីថ្ងៃទី២៦ដល់ថ្ងៃទី៣០ ខែសីហា ឆ្នាំ២០២៤ ដែលមានសិក្ខាកាមចូលរួមមកពីបណ្ណសារដ្ឋានជាតិវៀតណាមចំនួន ៥នាក់ និងសិក្ខាកាមចូលរួមចំនួន២៥នាក់អញ្ជើញមកពីស្ថាប័នជាតិដូចជា បណ្ណសារដ្ឋានជាតិនៃកម្ពុជា (NAC) អង្គជំនុំជម្រះវិសាមញ្ញក្នុងតុលាការកម្ពុជា (ECCC) សារមន្ទីជាតិឧក្រិដ្ឋកម្មទួលស្លែង (TGSM)។