មជ្ឈមណ្ឌលតម្កល់ឯកសារច្បាប់ពាក់ព័ន្ធនឹងអ.វ.ត.ក. បានសហការជាមួយកម្មវិធី​ផ្សព្វ​ផ្សាយ​ចល័តរបស់អ.វ.ត.ក. ​ក្នុង​គោល​បំណងផ្សព្វ​ផ្សាយអំពិដំណើរការ សមិទ្ធផល កេរដំណែល និងការអនុវត្តមុខងារសេសសល់របស់អ.វ.ត.ក.។ នៅក្នុងកម្មវិធីនេះមាន​ការ​ដាក់​តាំង​បង្ហាញ​ផ្ទាំងរូបភាព ការអនុញ្ញាតឱ្យសិស្សានុសិស្ស​ចូល​អាន និង​សិក្សា​ស្រាវ​ជ្រាវនៅក្នង​មជ្ឈមណ្ឌល​ធនធានអ.វ.ត.ក. ចល័ត​ និងការបង្កើតកម្មវិធីអន្តរជំនាន់រវាងដើមបណ្តឹងរដ្ឋប្បវេណី និងសិស្សានុសិស្សផងដែរ​។ កម្មវិធីខាងលើនេះបានរៀបចំឡើងចាប់ពីថ្ងៃទី១២ ដល់ថ្ងៃទី១៤ ខែសីហា ឆ្នាំ២០២៤ នៅវិទ្យាល័យចំនួន៣ នៅក្នុងខេត្តព្រៃវែង រួមមានវិទ្យាល័យ ហ៊ុន សែន កំពង់ត្របែក, វិទ្យាល័យ ប៊ុន រ៉ានី ហ៊ុន សែន កំពង់ត្របែក, និងវិទ្យាល័យព្រះអង្គឌួ​ង ដោយមានអ្នកចូលរួមសរុបប្រមាណ២ ៣៨០នាក់។