សប្ដាហ៍កន្លងទៅនេះ មជ្ឈមណ្ឌលតម្កល់ឯកសារច្បាប់ (ម.ត.ឯ.ច.) ពាក់ព័ន្ធនឹងអ.វ.ត.ក.បានបន្តសហការជាមួយមុខងារសេសសល់របស់អ.វ.ត.ក. ក្នុងកម្មវិធីផ្សព្វផ្សាយរបស់មជ្ឈមណ្ឌលធនធាន អ.វ.ត.ក. ចល័ត រយៈពេលពេញមួយសប្ដាហ៍គឺពីថ្ងៃចន្ទ ទី២២ ដល់ថ្ងៃសៅរ៍ ទី២៧ ខែកក្កដា នៅតាមវិទ្យាល័យចំនួន៦ ក្នុងខេត្តកំពត និងខេត្ដកែប។
សិស្សានុសិស្សជាច្រើននាក់បានសម្ដែងការចាប់អារម្មណ៍ និងចូលរួមសិក្សាស្វែងយល់យ៉ាងច្រើនកុះករ ដោយក្នុងរយៈពេលនៃការចុះផ្សព្ធផ្សាយនេះ មានរហូតដល់ ៥.៥៩២ នាក់។
វិទ្យាល័យទាំង៦ ដែលបានចុះផ្សព្ធផ្សាយនេះ រួមមាន ៖ ១. វិទ្យាល័យហ៊ុន សែន ឈូក, ២. វិទ្យាល័យមិត្តភាពកម្ពុជា-ជប៉ុន, ៣. វិទ្យាល័យព្រះបិតាជាតិ, ៤. វិទ្យាល័យជា ស៊ីម អង្គរជ័យ, ៥. វិទ្យាល័យប៊ុន រ៉ានី ហ៊ុន សែន ចរិយាវង្ស និង ៦. វិទ្យាល័យហ៊ុន សែន ចំការដូង៕
